< Page:Oxford Book of English Verse 1250-1918.djvu
This page has been proofread, but needs to be validated.
ANONYMOUS
9
8
A Hymn to the Virgin

c. 1300

Of on[1] that is so fayr and bright
  Velut maris stella,
Brighter than the day is light
  Parens et puella:
Ic crie to the, thou see to me,
Levedy,[2] preye thi Sone for me,
  Tam pia
That ic mote come to thee
  Maria.

Al this world was for-lore
  Eva peccatrice,
Tyl our Lord was y-bore
  De te genetrice.
With ave it went away
Thuster[3] nyth and cometh the day
  Salutis;
The welle springeth ut of the
  Virtutis.

Levedy, flour of alle thing,
  Rosa sine spina,
Thu bere Jhesu, hevene king,
  Gratia divina:
Of alle thu berst the pris,[4]
Levedy, quene of paradys
  Electa
Mayde milde, Moder es
  Effecta.

  1. ↑ on] one.
  2. ↑ levedy] lady.
  3. ↑ thuster] dark.
  4. ↑ pris] prize.
11
 
This article is issued from Wikisource. The text is licensed under Creative Commons - Attribution - Sharealike. Additional terms may apply for the media files.