< Page:Beowulf (Wyatt).djvu
This page has been proofread, but needs to be validated.
29
BEOWULF.
sele-weard āseted;⁠sundor-nytte behēold

ymb aldor Dena,⁠eoton-weard ābēad.[1]
Hūru Gēata lēod⁠georne trūwode
670mōdgan mægnes,⁠Metodes hyldo.
Ðā hē him of dyde⁠īsern-byrnan,
helm of hafelan,⁠sealde his hyrsted sweord,
īrena cyst,⁠ombiht-þegne,
ond gehealdan hēt⁠hilde-geātwe.
675Gesprsec þā se gōda⁠gylp-worda sum,
Bēowulf *Gēata,⁠ǣr hē on bed stige:⁠Fol. 145b.
“Nō ic mē an here-wǣsmun[2]⁠hnāgran talige
gūþ-geweorca⁠þonne Grendel hine;
forþan ic hine sweorde⁠swebban nelle,
680aldre benēotan,⁠þēah ic eal mæge.
Nāt hē þāra gōda,⁠þæt hēe mē ongēan slēa,
rand gehēawe,⁠þēah ðe hē rōf sīe
nīþ-geweorca;⁠ac wit on niht sculon
secge ofersittan,⁠gif hē[3] gesēcean dear
685wīg ofer wǣpen,⁠ond siþðan wītig God
on swā hwæþere hond,⁠hālig Dryhten,
mǣrðo dēme,⁠swā him gemet þince.”
Hylde hine þā heaþo-dēor,⁠hlēor-bolster onfēng
eorles andwlitan,⁠ond hine ymb monig
690snellīc sǣ-rinc⁠sele-reste gebēah.
Nǣnig heora þōhte,⁠þæt hē þanon scolde
eft eard-lufan⁠ǣfre gesēcean,

folc oþðe frēo-burh,⁠þǣr hē āfēded wæs:
  1. ↑ 668. Thorpe ‘eoton (acc.) weard (nom.) ābēad’; Heyne ‘eoton (dat.) weard (acc.) ābēad.’ The difficulty of the uninflected accus. eoton-weard seems less than those presented by these readings.
  2. ↑ 677. Thorpe ‘wæstmum,’ Grein ‘wǣsmum.’
  3. ↑ 684. MS. ‘het.’
This article is issued from Wikisource. The text is licensed under Creative Commons - Attribution - Sharealike. Additional terms may apply for the media files.