Page:Beowulf (Wyatt).djvu/48

This page has been proofread, but needs to be validated.

24

BEOWULF.

hraþor on holme;⁠nō ic fram him wolde.

Ðā wit æt *somne⁠on sǣ wǣron⁠Fol. 142b.
545fīf nihta fyrst,⁠oþ þæt unc flōd tōdrāf,
wado weallende;⁠wedera cealdost,
nīpende niht⁠ond norþan wind,
heaðo-grim ondhwearf;^[1]⁠hrēo wǣron ȳþa.
Wæs mere-fixa⁠mōd onhrēred;
550þǣr mē wið lāðum⁠līc-syrce mīn,
heard hond-locen,⁠helpe gefremede;
beado-hrægl brōden⁠on brēostum læg,
golde gegyrwed.⁠Mē tō grunde tēah
fāh fēond-scaða,⁠fæste hæfde
555grim on grāpe;⁠hwæþre mē gyfeþe wearð,
þæt ic āglǣcan⁠orde gerǣhte,
hilde-bille;⁠heaþo-rǣs fornam
mihtig mere-dēor⁠þurh mīne hand.

VIIII.

Swā mec gelōme⁠lāð-getēonan
560þrēatedon þearle.⁠Ic him þēnode
dēoran sweorde,⁠swa hit gedēfe wæs;
næs hīe ðǣre fylle⁠gefēan hæfdon,
mān-fordǣdlan,⁠þæt hīe mē þēgon,
symbel ymb-sǣton⁠sǣ-grunde nēah;
565ac on mergenne⁠mēcum *wunde⁠Fol. 143a.

be ȳð-lāfe⁠uppe lǣgon,

↑ 548. MS. ‘⁊hwearf’; cf. ‘⁊swarode,’ l. 258. Grein takes hwearf to be an adj., which he glosses ‘versatilis, volubilis,’ and compares Icel. hverfr.

This article is issued from Wikisource. The text is licensed under Creative Commons - Attribution - Sharealike. Additional terms may apply for the media files.

[1] 548. MS. ‘⁊hwearf’; cf. ‘⁊swarode,’ l. 258. Grein takes hwearf to be an adj., which he glosses ‘versatilis, volubilis,’ and compares Icel. hverfr.