< Page:Beowulf (Wyatt).djvu
This page has been proofread, but needs to be validated.
8
BEOWULF.
*[Atol][1] ǣglǣca⁠ēhtende wæs,⁠Fol. 133b.

160deorc dēaþ-scūa,⁠duguþe ond geogoþe,
seomade ond syrede,⁠sin-nihte hēold
mistige mōras;⁠men ne cunnon,
hwyder hel-rūnan⁠hwyrftum scrīþað.
Swā fela fyrena⁠fēond man-cynnes,
165atol ān-gengea,⁠oft gefremede,
heardra hȳnða;⁠Heorot eardode,
sinc-fāge sel⁠sweartum nihtum;
nō hē þone gif-stōl⁠grētan mōste,
māþðum for Metode,⁠ne his myne wisse.[2]
170Þæt wæs wrsec micel⁠wine Scyldinga,
mōdes brecða.⁠Monig oft gesæt
rīce tō rūne,⁠rǣd eahtedon,
hwæt swīð-ferhðum⁠sēlest wǣre
wið fǣr-gryrum⁠tō gefremmanne.
175 Hwīlum hīe gehēton⁠æt hærg-trafum.[3]
wīg-weorþunga,⁠wordum bǣdon,
þæt him gāst-bona⁠gēoce gefremede
wið þēod-þrēaum.⁠Swylc wæs þēaw hyra,
hǣþenra hyht;⁠helle gemundon
180 in mōd-sefan,⁠Metod hīe ne cūþon,
dǣda Dēmend,⁠ne wiston hīe Drihten God,
*ne hīe hūru heofena Helm⁠herian ne cūþon,⁠Fol. 134a.
wuldres Waldend.⁠Wā bið þǣm ðe sceal

þurh slīðne nīð⁠sāwle bescūfan
  1. ↑ 159. MS. defective at corner. Thorpe ‘[Atol]’; Rieger ‘[ac se],’ without a period.
  2. ↑ 167—9. Heyne punctuates:
    ⁠sweartum nihtum
    (nō hē þone gif-stōl⁠grētan mōste,
    māþðum for metode,⁠ne his myne wisse);
  3. ↑ 175. MS. ‘hrærg’; Grundtvig ‘hærg-.’
This article is issued from Wikisource. The text is licensed under Creative Commons - Attribution - Sharealike. Additional terms may apply for the media files.