Page:Beowulf (Wyatt).djvu/145

This page has been proofread, but needs to be validated.

121

BEOWULF.

[XXXIX.]

Ðā wæs gegongen guman unfrōdum^[1]
earfoðlīce, þæt hē on eorðan geseah
þone lēofestan līfes æt ende
blēate gebǣran. Bona swylce læg,
2825egeslīc eorð-draca ealdre berēafod,
bealwe gebǣded. Bēah-hordum leng
wyrm wōh-bogen wealdan ne mōste,
ac hine^[2] īrenna ecga fornāmon,
hearde, heaðo-scearde homera lāfe,
2830þæt se wīd-floga wundum stille
hrēas on hrūsan hord-ærne nēah;
nalles *æfter lyfte lācende hwearf⁠Fol. 191b.
middel-nihtum, māðm-ǣhta wlonc
ansȳn ȳwde, ac hē eorðan gefēoll
2885for ðæs hild-fruman hond-geweorce.
Hūru þæt on lande lȳt manna ðāh
mægen-āgendra, mīne gefrǣge,
þēah ðe hē dǣda gehwæs dyrstig wǣre,
þæt hē wið attor-sceaðan oreðe gerǣsde,
2840oððe hring-sele hondum styrede,
gif hē wæccende weard onfunde
būon on beorge. Bīowulfe wearð
dryht-māðma dǣl dēaðe forgolden;

hæfde ǣghwæðer^[3] ende gefēred

↑ 2821. MS. ‘gumū unfrodū,’ doubtless another instance of “anticipation”; in l. 158 the MS. has ‘banū folmū,’
↑ 2828. MS. ‘him’; so Heyne and Wülcker. In all other instances forniman governs the accus.
↑ 2844. MS. ‘æghwæðre’; Kemble ‘æghwæðer.’ Grein ‘ǣghwæðre (acc. pl.) ende (nom.).’ But cf. l. 3063; besides, ǣghwæðer is found nowhere else in the pl.

This article is issued from Wikisource. The text is licensed under Creative Commons - Attribution - Sharealike. Additional terms may apply for the media files.

[1] 2821. MS. ‘gumū unfrodū,’ doubtless another instance of “anticipation”; in l. 158 the MS. has ‘banū folmū,’

[2] 2828. MS. ‘him’; so Heyne and Wülcker. In all other instances forniman governs the accus.

[3] 2844. MS. ‘æghwæðre’; Kemble ‘æghwæðer.’ Grein ‘ǣghwæðre (acc. pl.) ende (nom.).’ But cf. l. 3063; besides, ǣghwæðer is found nowhere else in the pl.