< Page:Beowulf (Wyatt).djvu
This page has been proofread, but needs to be validated.
92
BEOWULF.
2160nō ðȳ ǣr suna sīnum  syllan wolde,

hwatum Heorowearde,  þēah hē him hold wǣre,
brēost-gewǣdu.  Brūc ealles well.”
Hȳrde ic, þæt þām frætwum  fēower mēaras
lungre gelīce  lāst weardode,
2165æppel-fealuwe;  hē him ēst getēah
mēara ond māðma.  Swā sceal *mǣg dōn,⁠Fol. 178a.
nealles inwit-net  ōðrum bregdon,
dyrnum cræfte  dēað rēn[ian][1]
hond-gesteallan.  Hygelāce wæs
2170 nīða heardum  nefa swȳðe hold,
ond gehwǣðer ōðrum  hrōþra gemyndig.
Hȳrde ic, þæt hē ðone heals-bēah  Hygde gesealde,
wrætlīcne wundur-māððum,  ðone þe him Wealhðēo geaf,
ðēod[nes] dohtor,  þrīo wicg somod
2175swancor ond sadol-beorht;  hyre syððan wæs,
æfter bēah-ðege,  br[ē]ost geweorðod.
Swā bealdode  bearn Ecgðēowes,
guma gūðum cūð,  gōdum dǣdum,
drēah æfter dōme,  nealles druncne slōg
2180heorð-genēatas;  næs him hrēoh sefa,
ac hē man-cynnes  mǣste cræfte
gin-fæstan gife,  þe him God sealde,
hēold hilde-dēor.  Hēan wæs lange,
swā hyne Gēata bearn  gōdne ne tealdon,
2185ne hyne on medo-bence  micles wyrðne
*drihten wereda  gedōn wolde;⁠Fol. 178b.
swȳðe [wēn]don,[2]  þæt hē slēac wǣre,

aeðeling unfrom.  Edwenden cwōm
  1. ↑ 2168. MS. defective at edge here and in l. 2174.
  2. ↑ 2187. MS. defective at edge. Grein’s emendation; see “Crīst” 309.
This article is issued from Wikisource. The text is licensed under Creative Commons - Attribution - Sharealike. Additional terms may apply for the media files.