O! could'st thou for a moment look
⁠Within this heart o' mine;
An' there peruse, as in a book,
⁠Ilk' feeling's secret sign;
It couldna—wouldna but reveal
⁠Its deepest thought to thee;
Then only—only could'st thou feel
⁠How dear thou art to me.

It ne'er could be by look or sigh
⁠Or word frae me exprest—
The fond deep love that fervently
⁠Is throbbin' in my breast,—
Although uncherish'd and unblest
⁠Wi' kindred flame in thine—
Like angel holiness imprest
⁠Upon some earthly shrine.