JOHN BARBOUR

GyfF fredome fail ; for fre liking Is yarnyt our all othir thing. Na he that ay has levyt fre May nocht knaw weill the propyrte, The angyr, na the wretchyt dome That is couplyt to foule thyrldome. Bot gyflf he had assayit it, Than all perquer he suld it wyt ; And suld think fredome mar to prise Than all the gold in warld that is. Thus contrar thingis evirmar Discoweryngis off the tothir ar.

��GEOFFREY CHAUCER

lo. The Love Unfeigned

YONGE fresshe folkes, he or she, In which that love up groweth with your age, Repeyreth hoom from worldly vanitee, And of your herte up-casteth the visage To thilke god that after his image Yow made, and thinketh al nis but a fayre This world, that passeth sone as floures fayre.

And loveth him, the which that right for love Upon a cros, our soules for to beye, First starf, and roos, and sit in hevene a-bove ; For he nil falsen no wight, dar I seye, That wol his herte al hoolly on him leye. And sin he best to love is, and most meke, What nedeth feyned loves for to seke ?

9. yarnyt] yearned for. perquer] thoroughly, by heart.

10. repeyreth] repair ye. starf] died.

�� �