Prey we to here with gret honour,
Che that bar the blyssid flowr,
Che be our helpe and our socour
And schyd us fro the fyndes bond.
8.
NO thyng ys to man so dere
As wommanys love in gode manere.
A gode womman is mannys blys,
There her love right and stedfast ys.
There ys no solas under hevene
Of alle that a man may nevene
That shulde a man so moche glew
As a gode womman that loveth true.
Ne derer is none in Goddis hurde
Than a chaste womman with lovely worde.
9.
A! Fredome is a noble thing!
Fredome mays man to haiflf liking;
Fredome all solace to man gifts,
He levys at ese that frely levys!
A noble hart may haiflf nane ese,
Na ellys nocht that may him plese,
8. nevene] name. glew] gladden. hurde] flock. 9. liking] liberty. na ellys nocht] nor aught else.