SATVRA V

Vatibus hie mos est, centum sibi poscere voces, centum ora et linguas optare in carmina centum, fabula seu maesto ponatur hianda tragoedo, vulnera seu Parthi ducentis ab inguine ferrum. " Quorsum haec ? aut quantas robusti carminis offas 5 ingeris, ut par sit centeno gutture niti ? grande locuturi nebulas Helicone legunto, si quibus aut Prognes aut si quibus olla Thyestae fervebit saepe insulso cenanda Glyconi. tu neque anhelanti, coquitur dum massa camino, 10 folle premis ventos, nee clauso murmure raucus nescio quid tecum grave cornicaris inepte,

nee scloppo tumidas intendis rumpere buccas.